Kompania ‘Primatex’ është tashmë pjesë e industrisë të lavanderive me një staf me eksperiencë mbi 20 vjeçare. Gjatë kësaj kohe ne kemi fituar një reputacion të lartë për cilësinë e shërbimit që u ofrojmë klientëve tanë dhe standardit të kujdesit që u jepet rrobave që trajtojmë.
Me kalimin e kohës dhe me përparimin e teknologjisë, ne kemi bërë të sigurtë të investojmë në pajisjet moderne të përpunimit, duke bërë të mundur që të ofrojmë standardet më të larta të shërbimit duke mbuluar një trajtim ditor të pesë mijë (5000) deri në gjashtë mijë (6000) palë tekstile të llojeve të ndryshme qofshin ato xhinse, pantallona të të gjitha materialeve, apo bluza, këmisha, fustane etj.
Teknik larjeje ose kimist kemi zotin Kanello Kristuli, me eksperiencë mbi 30 vjeçare në këtë fushë, në fabrika të ndryshme brënda dhe jashtë vendit duke përfshirë: Poloni, Bullgari, Greqi, Rumani, Shqipëri. I specializuar dhe me eksperiencë në të gjitha llojet e larjeve, trajtimeve dhe ngjyrosjeve të tekstileve.
Përveç kësaj, ne kemi investuar fuqishëm që të kemi një ekip të përkushtuar, të cilët ndjekin të njëjtin qëllim, për t’u siguruar klientëve tanë eksperiencën më të mirë dhe më profesionale.
Rreth Nesh
Shërbimet
Kompania Primatex disponon 9 lavatriçe të mëdha të ndara në 3 grupe:
-Në grupin e parë përfshihen lavatriçet të cilat përdoren për trajtime specifike me një numër të kufizuar prodhimi.
-Pjesë e grupit të dytë janë lavatriçet që përdoren enkas për ngjyrosje të të gjitha llojeve si ngjyrosje e drejtëpërdrejtë, ngjyrosje reaktive, ngjyrosje në të ftohtë etj.
-Përsa i përket grupit të fundit disponojmë lavatriçe që përdoren për larjet e tjera si larje me enzima, larje me gur, larje me zbardhues etj.
Në nivel strukturor kompania Primatex i ndan shërbimet që ofron në 4 reparte kryesore:
Reparti i grafiaturës
Reparti i grafiaturës, ose scraping përfshin manekinat e grafiaturës për pantallona dhe këmisha si dhe të gjithë veglat përkatëse për përpunimin e tyre.
Reparti spray
Reparti i spray qe përfshin kabinën e spray-t me manekinat e tij për pantallona dhe këmisha si dhe veglat perkatëse për përpunimin e tyre.
Reparti i kampionaturës
Reparti i kampionaturës që përfshin lavatriçet e vogla në të cilat nxirren kampionat fillestar para se të fillojë prodhimi, bashkë me tharëset e vogla enkas për kampionat.
Reparti i lavanderisë
Reparti i lavanderisë, ose i prodhimit në masë që përfshin lavatriçet e mëdha të prodhimit, tharëset përkatëse si dhe një furrë kur ka punime me furrë.
Laboratori i veshjeve
Në mënyrë që rrobat e importuara të duken si të reja në ekspozimin e vitrinave të dyqaneve tuaja, ne ofrojmë laboratorin e veshjeve ku kujdesemi maksimalisht per çdo proçes, që nga larja, etiketimi, ndryshimi i ngjyrave, hekurosja dhe heqja e aromave.
Procesi
Çdo proçes larjeje kalon në disa etapa: Atë të zhvillimit, të laboratorit, të grafiaturës, të sprucimit, të detergjentëve, të larjes dhe deri tek përfundimi i proçesit.
Pro Mjedisit
Të gjitha veshjet trajtohen me kimikate dhe detergjentë të firmave më prestigjoze në Europe. Produktet që disponojmë janë të gjitha ekologjike dhe mbrojnë ambientin. Disa prej tyre janë: CHT ose ish BEZEMA me seli në Zvicër, NEARCHIMICA dhe MONTEGA me seli në Itali etj.
